SMYRNA vel SAMORNA

SMYRNA, vel SAMORNA

Amazon, Ephesum condidit, unde et ipsa Ephesus aliquando Smyrna dicta est. Stephans, εναλεῖτο δὲ Σμύρνα, ἀπὸ Σμύρνης Α᾿μαζόνος. Mela l. 1. c. 17. non urbem ipsam, sed Templum tantum Dianae ab Amazonibus conditum, significat. Sed Plin. l. 5. c. 29. Stephano suffragatur, Epheson Amazonum opus vocans. Et Callinus Σμυρναίους vocavit Ε᾿φεσίους, teste Strabone; qui et locum quendam Ephesi, Smyrnam Hipponacti vocatum, notat, versus hos afferens.

Ω῎κει δ᾿ ὄπιςθεν τῆς πόληος εν Σμύρνῃ:

Μέταξὺ τρηχείης τε καὶ λεπρῆς Α᾿κτῆς.

Sicut Σαμόρναν vel Σαμόρνον, portum Ephesi proprie dictum esse, observat. Salmas. ad Solin. p. 808. et seqq. Sed et Smyrna Amozon fuit, a qua urbi alteri Ioniae, quae hodieque Smyrna appellatur,nomen, cuius rei fidem facit tum bustum eius ex marmore, cuius hodieque reliquiae visuntur, in arcis ingressu, cum bipenni et pelta. Cuiusmodi nummum foederis inter Smyrnaeos et Thyatirenses initi memoriam servantem, in cuius una parte figura modo descripta, in altera, caput turritum, utriusque urbis symbolum, exhibet Iac. Sponius Itincrar. Graeciae Part 3. p. 172. Sic Sueciae Regina, inter sua cimelia, Romae servat nummum, foederis inter Smyrnaeos, Pergamenos et Ephesios indicem; in cuius antica parte imago Antonini Pii Imper. in postica, Diana expressa, inter Aesculapium et Smyrnam Amazonem media, cum verbis, ΣΜΓΡΝΑΙΩΝ ΠΕΡΓ. ΕΦΕΣΙΩΝ ΟΜΟΝΟΙΑ. Cuiusmodi Inscr. in priori quoque numismate est, additô nomine Praefecti tum Urbis, ΕΠΙ ΑΠΟΛΙΝΑΡΙΟΓ, qui principatu Caracalli vixit. Exstat quoque nummus Tranquillinae, cum Inscr. ΞΜΓΡΝΑΙΩΝΓ. ΝΕΩΚΟΡΩΝ ΡΟΓΦΙΝΟΓ ΞΟΦΙ. et imagine iterum praefatae Amazonis, quae, capite turrigerô insignis, dextrâ manu aediculam sacram, laevâ bipennem cum pelta, tenet, apud eund. p. 184. etc.